Halló halló í dag eigum við parið 2 ára sambandsafmæli, alltaf gaman að eiga afmæli sko
Síðustu 2 ár hafa verið bæði yndisleg og erfið og við höfum fengið að ganga í gegnum ansi margt á ekki lengri tíma En við ættum þá að vera ansi samrýmd og sterk saman og ég gæti ekki hugsað mér að fara í gegnum neitt nema með minn yndislega mann mér við hlið. Hann er alveg mín stoð og stytta og yndislegasti maður sem ég veit um. Hann hefur svo stórt og fallegt hjarta, er vinur vina sinna og er einstaklega bóngóður Að mínu mati er ekki hægt að finna fallegri einstakling utan sem innan, en ég er kannski pínu hlutdræg þar sko.
Takk ástin mín fyrir árin okkar tvö, ég hlakka til eyða þeim mörgum í viðbót með þér. Elska þig meira en allt  Þúsund kossar og knús
Bæjó Dívan

Játs þá er komið að því enn og aftur, það er komið að prófu. Þá gengur í garð tími druslulegra fata, hárgreiðslu út í loftið, stirðleika í líkama og prentsvörtu á nefi. Get ekki sagt beint að ég hlakki til, en hins vegar ef við setjum Pollýönu á þetta þá er það þannig að þegar þessi blessuðu próf, sem eru 5 bókleg og 1 verklegt, eru búin þá eru bara 12 dagar í jólin og ég komin í jólafrí svo kannski er þetta ekki alslæmt, en drullu erfitt get víst ekki neitað því 
Núna situr maður og prentar og prentar og skipuleggur hvernig maður ætlar að fara að því að gera þetta allt saman svo tekur við endalaus lestur, þannig að það er alsendist óvíst að nokkuð blogg komi frá mér næstu 2 -3 vikurnar Þannig að ég gerðist bara sniðug og skellti þessum fáu orðum niður svo það sé ekki hægt að skamma mig fyrir að blogga ekki.
Ég hef fengið góð og falleg viðbrögð við blogginu mínu hér á undan og mikið af heimsóknum hérna á síðuna (takk innilega fyrir það ) , en það eru greinilega ansi margir feimnir og þora ekki að kvitta hvorki fyrir neðan eða í gestabókina vildi bara láta ykkur vita, ég lofa að bíta ekki ef þið kvittið það væri meira að segja rosalega gaman að fá að sjá hverjir það eru sem kíkja hérna við
En þangað til næst
bæjó prófkvíðalestrar Dívan

    Aðfaranótt þessa dags fyrir nákvæmlega ári síðan fékk ég símhringingu kl 01:20 og í símanum var Kobbi. Hann sagði „þú ættir að koma upp á sjúkrahús hún frænka þín er að kveðja okkur, Herdís er að deyja“ Ég einhvernvegin heyri þessi orð stundum ennþá hljóma í höfðinu á mér og mér finnst þau reyndar ennþá svo óraunveruleg líka.  Og á einu augabragði hrundi veröldin fyrir mér. Kletturinn minn og stoðin mín var að yfirgefa þennan heim og ég gat ekkert gert.

    En samt sem áður var það ekki flúið, ég fór á sjúkrahúsið og kvaddi mína elskulegu frænku í hinsta sinn og horfði á líf hennar fjara út langt fyrir réttan tíma og ég gruna okkur báðar um að hafa hvorugar verið tilbúnar fyrir þessa stund, ég ekki að hún færi frá okkur og hún ekki tilbúin að fara.

    Hún var svo lífsglöð, kát og falleg manneskja og ég á stundum svo erfitt með að sætta mig við að hún sé farin en svona er lífið við fáum þessu ekki breytt þó við séum ekki sátt og verðum bara að læra að lifa með því. Í dag er ég búin að kveikja á kerti og ég þakka fyrir það að hafa átt hana að þann tíma sem hún lifði og ég er svo innilega þakklát og get sennilega aldrei full þakkað fyrir að eiga minn yndislega mann að hann hefur alveg verið mín stoð og stytta og ég gæti ekki hugsað mér betri mann. Eins er ég svo þakklát fyrir mína yndislegu fjölskyldu og mína yndislegu vini, það hafa allir staðið við mig eins og klettur og það er gott að vita til þess að maður á svona góðan hóp í kringum sig.

    Gangur lífsins sannaðist alveg þarna þessa nótt því að morguninn eftir fékk ég skilaboð frá Láru minni um að litla prinsessan þeirra væri komin í heiminn. Og eins og Lára mín sagði svo fallega, þegar engillinn minn var að fæðast þá deyr engillinn þinn, alveg hverju orði sannara. Innilega til hamingju með daginn Rakel mín, Lára og Geiri, njótið hans vel.

Elsku Herdís mín, njóttu þín hvar sem þú ert og ég hlakka til að sjá þig síðar. Sakna þín meir en orð fá lýst.

Þangað til næst

Bæjó Dívan

Já mín skelfilega systir þurfti endilega að klukka mig og svo er hún búin að skamma mig endalaust fyrir að vera ekki búin að svara þessu klukki svo það er eins gott að setja það hérna inn

Klukk
Fjögur störf sem ég hef unnið við um ævina:
1. Saumastofan Borg
2. Strýta, í rækjuvinnslu
3. Sambýli fyrir fatlaða
4. Brauðgerð Kristjáns

Fjórir staðir sem ég hef búið á um ævina:
1. Akureyri
2. Hrísar
3. Hjallalundur
4. Borgarhlíð

Fjórar bíómyndir sem ég held upp á:
1. Bridget Jones 1 og 2
2. Never been kissed
3. Wild hogs
4. Reykjavík Rotterdam

Fjórir sjónvarpsþættir í uppáhaldi:
1. ER
2. House
3. Grays anatomi
4. Svartir englar og Dagvaktin

Fjórar bækur sem ég hef lesið oftar en einu sinni:
1. Tár bros og takkaskór (hérna einu sinni)
2. Margar barnabækur fyrir dóttur mína
3. Dagbók hversvegna ég
4. Dagbók í hreinskilni sagt

Matur sem er í uppáhaldi:
1. Jólasteikin hennar mömmu
2. Jólasteikin hans Baldurs
3. Hangikjöt
4. Kjöt í karrý

Fjórar síður sem ég heimsæki daglega (fyrir utan bloggsíður):
1. Vef stefanía (skólasíðan)
2. Mbl.is
3. Blakbourd (solaria)
4. facebook

Fjórir staðir sem ég hef heimsótt í fríum:
1. Danmörk
2. London
3. Reykjavík/Grindavík
4. Illugastaðir

Fjórir staðir sem ég myndi vilja vera á núna:
1. London
2. Spánn
3. Inni í rúmi sofandi
4. Á Hvammstanga

Fjórir bloggarar sem ég klukka:
1. Þú
2. Þú
3. þú
4. Og þú
Jæja Ragnheiður hér hefurðu það, segðu svo að ég sé ekki dugleg ha ha ha
Þangað til næst bæjó Dívan

Já það var bara geðveikt í London skal ég segja ykkur við erum gegnin upp að eyrnasnepplum en það er í góðu lagi, það var sko þess virði.
Á fimmtudagskvöldið þegar við vorum komin út og búin að koma okkur fyrir á herberginu og svona þá var fyrsta verk að fara á Queen show sem var svona líka bara geggjað, maður var með gæsahúð alveg niður á tær þetta var svo flott og alveg brjálæðislega flott sungið
Á föstudeginum var svo lagt snemma af stað og það fór hópur saman niður í westminester og sáum Big Ben og svo niður að Thamesánni og í London eye, það var ekkert smá flott að sjá allt þar, maður sá alveg langt yfir en auðvitað ekki yfir alla London það er ekkert smá stór borg. Síðan gegnum við upp að konungshöllinni Buckingham Palace og þar í kring og í gegnum garð sem heitir St. James´s park. Svo var farið í lest og farið á Oxford street og verslað smá, það var reyndar ekki verslað neitt mikið því það er bara ekkert ódýrara að versla þarn úti en hérna heima á klakanum.
Á laugardaginn fór svo stór hluti af hópnum á fótboltaleik en við skötuhjúin erum nú ekki fyrri fótbolta svo við fórum bara tvö niður í westminester aftur og skoðuðum okkur betur um þar, fórum að hesthúsum drottningar og sáum þar skipti á vöruðum sem voru á hestum og svo yfirferð á vörðunum, þetta er ekkert smá prógramm hjá þessu liði maður minn Jæja svo fórum við og löbbuðum niður með Thames ánni og sáum þar ein mótmæli, við sáum reyndar 3 þennan eina dag. Þegar við vorum svo að labba til baka meðfram ánni, þá kom minn yndislegi maður mér á óvart og bað mín þarna niður við ánna, bara sætastur og ég sagði auðvitað já svo nú erum við barasta trúlofuð og allt (persónulega finnst mér þetta besti hluti ferðarinnar hehe ) en jæja svo fórum við upp að Westminester Abbey og Baldur var ekki Westminester crabbey eins og hann var búinn að ákveða að vera hehehehe nú enda var ég líka nýbúin að segja "já" við hann hehehe
Um kvöldið var svo árshátíð Búts og það fóru allir saman út að borða á fínum veitingarstað, þriggja rétta máltíð og mér fannst súkkulaðikakan í lokin standa upp úr, sjæks hvað hún var góð og að lokum fórum við svo heim á hótel með hjólavagni, sem var bara ógeðslega gaman og fyndið, þeir fóru í kapp og maður var eins og það væri hevy rok í gangi, dúið fór í klessu og allt hehehe
Á sunnudeginum fórum við svo í  vaxmyndasafnið Madame Tussauds, það var nú bara lygi líkast hvað þessar dúkkur voru raunverulegar og ekkert smá gaman að skoða þetta allt saman og þegar við vorum búin þar, þá fórum við á Abbey Road þar sem Bítlarnir voru með stúdíó og heilsuðum upp á þá, eða allavegana húsið og Baldur tók smá Bítlalabb yfir götuna ein og utan á einu plötualbúminu þeirra
Svo tók bara við bið eftir að fara út á völl og svo heim, en það varð að vísu töf og við sátum í vélinni í klukkutíma áður en hún fór í loftið Og svo voru það alveg kúguppgefnir Íslendingar sem komu á Keflavíkurvöll um miðnætti og beint upp á hótel að sofa. Svo var bara heimferð á mánudaginn og beint heim að kvíla sig
En jæja þetta er engin smá ritgerð, svo þangað til næst
Bæjó nýtrúlofaða London Dívan

When I think of angels I think of you
And your flaming red hair and the things that you do
I heard you had left no it couldn’t be true
When I think of angels, I think of you

God speak to you angel, wherever you go
Tough you had left I want you to know
My hearts full of sorrow
I won’t let it show
I see you again when it’s my time to go

When I think of angels I think of you
And your flaming red hair and the things that you do
I heard you had left no it couldn’t be true
When I think of angels I think of you

When I think of angels I think of you

    Í dag hefði hún Herdís mín orðið 39 ára og mér fannst vel við hæfi að setja þennan texta inn því mér verður svo ofsalega oft hugsað til hennar og sakna hennar svo sárt. Þessi fallega persóna fór allt of fljótt í burtu en ég veit að hún er í góðum höndum þar sem hún er.

    Það að missa ástvin svona snögglega minnir okkur á að við eigum að njóta lífsins og segja þeim sem okkur er annt um oft hversu mikils virði þeir eru okkur.

Í anda afmælisbarnsins skulum við njóta þess að vera til, vera góð hvert við annað og skemmta okkur

    Elsku Herdís mín, textinn segir það sem segja þarf við munum hittast aftur seinna

Þangað til næst

bæjó Dívan